Ambasada e SHBA-së kundërshton taksën e Kosovës ndaj Serbisë

E ngarkuara me punë në Ambasadën e Shteteve të Bashkuara të Amerikës në Kosovë, Colleen Hyland, e ka cilësuar si të dëmshme vendosjen e taksës së Kosovës ndaj produkteve të Serbisë. Ajo ka thënë se rritja e taksave ndaj Serbisë nënkupton rritje të tensioneve dhe rritje të dëmtimit të reputacionit të Kosovës, njofton Klan Kosova. “Rritja e taksave për anëtarët e CEFTA-së = rritje e dhimbjes për qytetarët e Kosovës, rritje e tensioneve dhe rritje e dëmtimit të reputacionit të Kosovës. Udhëheqja strategjike, reagimet jo emocionale, janë të nevojshme për të siguruar të ardhmen evropiane të Kosovës dhe një marrëdhënie të normalizuar me Serbinë”, ka shkruar Hyland në Twitter. Këtu mund ta lexoni shkrimin e plotë që Hyland ka postuar në Twitter.

Increased tariffs on #CEFTA members = increased pain for #Kosovo citizens, increased tensions, and increased damage to Kosovo’s reputation. Strategic leadership, not emotional reaction, is needed to secure Kosovo’s European future and a normalized relationship w/ #Serbia.

— Chargé d'Affaires Colleen Hyland (@USAmbKosovo) November 26, 2018

klankosova.tv