Ambasada e Kosovës në SHBA: Jemi të emocionuar për premierën e Zgjoit në New York

Ambasada e Kosovës në Shtetet e Bashkuara të Amerikë ka bërë të ditur se janë të emocionuar për premierën e filmit me regji të Blerta Bashollit "Zgjoi" në New York. Në postimin e publikuar në rrjetin social Facebook bëhet thirrje që të blihen sa më shumë bileta për ta parë këtë film. "Jemi të emocionuar për premierën e Zgjoit që fillon nesër! Mos harroni t'i merrni biletat tuaja dhe të ftoni miqtë tuaj të shkojnë për të shikuar hyrjen zyrtare të Kosovës për Çmimet e Akademisë, dhe fituesin e trefishtë të çmimit Sundance - Zgjoi", thuhet në njoftim, transmeton Klankosova.tv.