“AMANET” nesër premierë në Kino ABC

Nesër në Kinemanë ABC shfaqet premier e filmit shqiptar “AMANET” nga regjisori Namik Ajvazi. Kjo premierë do të shfaqet në ora 20:00, duke vazhduar nga dita e premte në repertor të rregullt në po të njëjtin termin. Këto janë të dhënat për “AMANET”: Dramë; Shqipëri – Itali (92 min) Vitet ’80 në Shqipëri. Paranoja e Enver Hoxhës arrin kulmin teksa fillon eliminimi i “bashkëpunëtorëve” më të ngushtë. Duke ndjerë rrezikun Mentori, shef i Sigurimit të Shtetit, incizon gjithë ngjarjet sekrete në të cilat ka qenë i përfshirë që në vitet e luftës. Kasetat arrin t’ja japë të birit para se ta arrestojnë. Familja internohet në një qytezë të humbur ku duhet të punojë me familjet e tjera “të rëna”. Kur hetuesit zbulojnë dhomën ku janë incizuar kasetat, miq të Mentorit e ndihmojnë djalin e tij Martinin të arratiset në Itali. Pas takimit në Itali me një gazetar të famshëm investigativ dhe lajmit se në Shqipëri babai i tij është ekzekutuar, Martini duhet të vendosë nëse duhet t’i bëjë publike kasetat dhe përmbajtjen e tyre. Rolet: Amos Zaharia, Eva Alikaj, Myzafer Zifla, Adele Gjoka, Shyqyri Caushaj, Violeta Trebicka, Alfred Trebicka, Saush Ylli, Orio Scadutto Regjia: Namik Ajazi Producent: Mediavision-Albania Co-Producent: Giuseppe Colombo, ChristianVitale Skenari: Ruzhdi Pulaha Fotografia: Sebastiano (Nino) Celeste