Alonso rrezikon shkarkimin pas humbjes me Celta Vigon

Tensionet te Real Madridi vetëm sa po rriten. Trajneri Xabi Alonso, po rrezikon shumë seriozisht shkarkimin pas humbjes 2:0 ndaj Celta Vigos. Mediat spanjolle, kanë raportuar se drejtuesit e 'Los Blancos', kanë diskutuar gjatë natës për të ardhmen e trajnerit dhe vendimtare pritet të jetë ndeshja e Ligës së Kampionëve të mërkurën kundër Manchester Cityt. Humbja dhe, mbi të gjitha, performanca e ekipit nuk kanë kënaqur drejtuesit e Madridit, të cilët i kanë dhënë Alonso kohë deri të mërkurën për të reaguar. Nëse ekipi nuk arrin një rezultat pozitiv ndaj skuadrës së Pep Guardiolës, shkarkimi i tij pritet të jetë i pashmangshëm. Mediat atje kanë nisur edhe spekulimet rreth pasardhësit, transmeton Klankosova.tv. Ndër emrat që po përmenden janë: Jurgen Klopp, Santiago Solari dhe Alvaro Arbeloa. Ndërkaq, kthimi i legjendës së klubit, Zinedine Zidane, duket i pamundur pasi që synon të marrë drejtimin e kombëtares së tij pas Kupës së Botës 2026. Pas humbjes, Alonso deklaroi: “Jam i zemëruar, por jemi të gjithë të bashkuar. Humbjet dhembin, por duhet të shohim përpara. Liga e Kampionëve vjen të mërkurën dhe duhet të tregojmë një tjetër anë. A rrezikoj vendin tim? Është një ndeshje që vlen tre pikë në Ligën e Kampionëve.” "Los Blancos" kërkojnë një reagim të menjëhershëm nga ekipi, ndërsa tifozët dhe mediat presin me padurim zhvillimet e ditëve të ardhshme.