Albin Tahiri, i 37-ti në garën e parë sllallomit të madh

Skitari Albin Tahiri, është renditur i 37-ti nga 87 garues në garën e parë të sllallomit të madh në Lojërat Olimpike Dimërore Pekini 2022. Tahiri e përfundoi garën me kohë 1 minutë e 32.41 sekonda. Kushtet e vështira shkaku i borës së madhe dhe erës, bënë që shumë garues të dalin nga shtegu, ndërsa garën e përfunduan 54 sosh. Për të njëjtat arsye, pra bora dhe era që po mbretëron në Qendrën Skitare në Yangqing të Kinës, bëri që lëshimi i dytë i sllallomit të madh të mos nisë në kohën e paraparë por të shtyhet deri në ora 08:00 me kohën tonë lokale.