Al Khelaifi tregon planin për ekipin e PSG

Kryetari i klubit të Paris Saint Germain, Nasser Al Khelaifi, ka treguar planin për ekipin e PSG, shkruan mediumi RMC. "Do ta ndërtojmë një ekip që mund të luajë së bashku edhe për 6 deri në 8 vjetët e ardhshëm. Kemi ekipin më të ri në çerekfinale. Kemi ekipin më të ri në 10-të klubet më të mira të Evropës. Kjo na bën krenarë.", tha Khelaifi. PSG është kualifikuar në mesin e 8 ekipeve më të mira këtë sezon në Champions League, ndërsa në kampionatin francez gjendet në pozitën e parë pas 25 xhirove.