Aktakuzë kundër deputetit të PS-së Plarent Ndreca

Prokuroria e Posaçme kundër Korrupsionit dhe Krimit të Organizuar, ka ngritur aktakuzë kundër deputetit të Partisë Socialiste, Plarent Ndreca. Sipas SPAK-ut, vepra penale është kryer bashkëpunim me ish-vartës të tij në kohën kur tashmë i akuzuari mbante detyrën e Sekretarit të Përgjithshëm të Ministrisë së Brendshme. Hetimet kane lidhje me tenderat e rikonstruksionit të disa komisariateve të policisë në vend, raporton A2 CNN, transmeton Klankosova.tv. Prokurorët e Posaçëm kanë marrë në këtë dosje të pandehur edhe disa persona të tjerë, pjesë e komisioneve për vlerësimin e ofertave për këto tendera. Hetimet për këtë çështje nisën pas një kallëzimi të bërë nga Kontrolli i Lartë i Shtetit, i cili, pas një auditi doli në konkluzionin se ishin shkelur dispozitat ligjore në procedurat e tenderave që kishin cenuar barazinë e pjesëmarrësve dhe është rritur kostoja e punimeve.