Aksionet bankare amerikane rimëkëmben pas kolapsimit të Silicon Valley Bank 

Aksionet në bankat amerikane kanë rikuperuar disa nga humbjet e mëdha që kanë pësuar që nga kolapsi i Silicon Valley Bank (SVB). Tregjet amerikane të aksioneve regjistruan ngritje të martën dhe disa nga bankat rajonale amerikane shënuan fitime të mëdha, raporton BBC, transmeton KlanKosova.tv. Rregullatorët në Mbretërinë e Bashkuar, ShBA dhe Azi kanë vepruar shpejt në përpjekje për të frenuar çdo pasojë nga rënia e SVB. Banka e Japonisë lëvizi për të mbajtur tregjet financiare të qëndrueshme pasi indeksi i saj kryesor i aksioneve ra me 2.1 përqind. Kanë qenë investitorët ata që kanë shprehur brengë se bankat tjera mund të ekspozohen ndaj problemeve të ngjashme. SVP ka qenë banka e 16 më e madhe në Shtetet e Bashkuara të Amerikës. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.