Aksidentohet dhe bie në humnerë, vdes 51-vjeçari në Shqipëri

Një 51-vjeçar ka humbur jetën si pasojë e një aksidenti në rrugën Qafë Mali–Fierzë. Bazuar në raportimet e A2CNN, viktima me inicialet P.U., dyshohet se kishte humbur kontrollin e automjetit, dhe ka dalë nga rruga duke rënë në një humnerë, transmeton Klankosova.tv. “Menjëherë pas marrjes së njoftimit, në vendngjarje kanë shkuar shërbimet e Policisë, forcat zjarrfikëse dhe ambulanca, por shtetasi P. U. ka humbur jetën si pasojë e plagëve të marra”, thuhet në njoftimin e policisë. Grupi hetimor, nën drejtimin e Prokurorisë, po punon për zbardhjen e plotë të rrethanave dhe shkakut të aksidentit.