Aksident në rrugën Prishtinë-Fushë Kosovë, lëndohet një person

Një person ka mbetur i lënduar si pasojë e një aksidenti, në rrugën Prishtinë-Fushë Kosovë, te rrethi në afërsi të kazermës së FSK-së. Lajmin e konfirmoi zëdhënësja e policisë për rajonin e Prishtinës, Flora Ahmeti, në një përgjigje për Klankosova.tv. "Rreth orës 09:20 kemi pranuar informatën se në rrugën Prishtinë - Fushë Kosovë, ka ndodhur një aksident trafiku ku kanë qenë të përfshira dy automjete. Si pasojë e aksidentit lëndime trupore ka pësuar një person", tha ajo.