Aksident në rrugën Gjilan - Prishtinë, gjashtë të lënduar

Gjashtë persona janë lënduar si pasojë e një aksidenti në rrugën Gjilan - Prishtinë, konkretisht në hyrje të fshatit Parallovë. Lidhur me rastin, detaje për Klankosova.tv ka dhënë Ismet Hashani, zëdhënës i policisë për rajonin e Gjilanit. Hashani tha se në aksident ishin të përfshirë dy vetura. Ai theksoi se njëri nga të lënduarit është në gjendje pak më të rëndë. "Aksidenti ka ndodhur rreth orës 09:00 të mëngjesit mes dy veturave civile. Një person i lënduar pak më rëndë është dërguar në Prishtinë, pjesa tjetër, pasi kanë marrë ndihmë mjekësore, janë liruar në shtëpi", tha Hashani për Klankosova.tv Togeri shtoi se Policia ka dalë në vendin e ngjarjes dhe po udhëheq hetimet për shkaktarët e aksidentit.