Agron Mustafa thotë se e sulmuan dy policë

Drejtori i kompanisë Vala, Agron Mustafa, është sulmuar sot nga dy persona. Ai ka thënë se i njeh kush janë sulmuesit. Rasti ka ndodhur në një lokal në Prishtinë dhe Mustafa thotë se sulmuesit janë dy policë. “Ka qenë Nazim Sahiti dhe polici tjetër i njohur si Tarkani”, tha deklaruar Mustafa për portalin Insajderi. Ndërsa policia e ka konfirmuar rrahjen për Klan Kosovën, por që nuk ka konfirmuar edhe nëse personat e përfshirë në përleshje kanë qenë policë. “Rreth orës 13:00 në rrugën “Enver Zymberi” ka ndodhur një përleshje ku kane qenë të përfshirë katër persona. Të njëjti aktualisht janë në stacion policor duke u intervistuar”, ka deklaruar për Klanin, Flora Ahmeti nga policia e Kosovës.

klankosova.tv