Agim Ademi: Gjithçka gati për ndeshjen e sotme, atmosfera pritet të jetë elektrizuese

Kryetari i Federatës së Futbollit të Kosovës, Agim Ademi, ka bërë të ditur se përgatitjet për ndeshjen e sotme janë finalizuar me sukses. Përmes një postimi, Ademi ka theksuar se ekipi organizativ ka punuar me përkushtim që nga orët e para të mëngjesit për të garantuar një event të nivelit më të lartë. Sipas tij, fusha është gati, tribunat janë përgatitur dhe atmosfera pritet të jetë e zjarrtë, me tifozët që do të mbushin stadiumin për të përkrahur ekipin kombëtar. “Tani është momenti ynë, është koha e ekipit dhe tifozëve”, ka deklaruar Ademi, duke ftuar gjithë sportdashësit të jenë pjesë e këtij spektakli futbollistik. Sonte Kosova luan kundër Zvicrës në “Fadil Vokrri” me fillim nga ora 20:45, në ndeshjen e fundit të grupit për kualifikim në Botërorin 2026 në ShBA, Meksikë dhe Kanada. Matematikisht, skuadra helvete e ka siguruar vendin e parë me 13 pikë, 3 më shumë se Kosova në vendin e dytë, e cila e ka siguruar play-offin. /Klankosova.tv