Afër 50 të vdekur nga përmbytjet e tornadot në SHBA

Së paku 43 persona kanë vdekur gjatë pesë ditëve të fundit në Shtetet e Bashkuara të Amerikës nga tornadot e fuqishme në pjesët jugore dhe perëndimore të vendit, shkruan BBC, njofton Klan Kosova. Pos viktimave, përmbytjet e mëdha, tornadot dhe tani bora kanë shkatërruar qindra shtëpi dhe biznese, kurse linjat e transportit publik janë ndërprerë tërësisht. Shërbimi Kombëtarë i Motit në SHBA ka paralajmëruar se tornado të reja pritet të godasin edhe Teksasin, Arkansasin, Luizianën, Oklahoman dhe Misisipin. Ndërsa guvernatorët e Misisurit, Oklahomës dhe New Mexikos kanë shpallur gjendje emergjente. Në Illinois, po ashtu kishte të vdekur nga përmbytjet kurse në Teksas me dhjetëra vdiqën nga stuhitë e fuqishme erërat e të cilave shkonin deri në 300 kilometra në orë. Vdekje, shkatërrime e përmbytje ka pasur gjithandej Amerikës, njerëzit e SHBA-ve thonë se është situatë tepër e vështirë dhe e papërballueshme, ndërsa dhimbja është edhe më e madhe kur shtohet fakti se gjithçka ndodhi gjatë kohës së festave të fundvitit.

klankosova.tv