Adnan Ademi kërkon nga Qeveria t’ia mundësojë ta bëjë mbiemrin ‘Çaji’ (VIDEO)

Adnan Ademi nga Vushtrria, i njohur në publik si ‘Adnan Çaji’ pas deklaratës së tij pak vjet më parë se i pi 70 çaja në ditë, ka kërkuar nga Qeveria t’ia mundësojë ta bëjë mbiemrin ‘Çaji’, njofton Klan Kosova. Në një intervistë në “Ora 7” në Klan Kosova, Ademi tha se nuk është dëshirë e tij e madhe të ndryshojë mbiemrin pasi Ademi i pëlqen, por për shkak të popullit dhe fëmijëve që e identifikojnë si ‘Adnan Çaji’. “Kisha pas qef të më ndihmoj Qeveria ta bëj mbiemrin Çaji’, tha ai. Ndër të tjera, Ademi tha se që 13 vite është konsumues i rregullt i çajit dhe se 3-4 herë në ditë e përvëlon atë në shtëpi, njofton Klan Kosova. “Gjithçka është për mua çaji. Ky më bëri ky që jam sot”, tha Ademi më tej. Nëse nuk e dini, vushtrriasi punon me gjelbërim dhe zbukuron kopshte madje ai tregoi në emisionin e mëngjesit se ndihmon nevojtarët por nuk i bën publike. “Qysh më ka ndihmuar mua dikush edhe unë tash i ndihmoj. Kushdo që ka nevojë mund të ma japë numrin e telefonit dhe gjithmonë jam i gatshë, çdo herë, pa marrë parasysh ku”, u shpreh Ademi. Ndiqni më poshtë intervistën e tij të plotë.