Lajmet e fundit
Ministri për Punë dhe Mirëqenie Sociale Arban Abrashi ka pritur të mërkurën në takim Medina Surdullin, kampione e notit, nga komuniteti i prekur me Doën Syndrome, e shoqëruar nga përfaqësues të kësaj shoqate.
Në takim u diskutuan arritjet e Medinës në fusha të ndryshme si dhe pjesëmarrja në garat evropiane në not të parapara të mbahen në nëntor 2015, në Lozano të Italisë.
Abrashi shprehi kënaqësinë për sukseset e Medinës dhe për punën e ekipit organizativ, duke premtuar përkrahje për pjesëmarrjen e saj në këtë garë, si formë e mbështetjes të grupeve të cenuara nga Ministria e Punës dhe Mirëqenies Sociale.
Në shenjë falenderimi për mikpritjen që i bëri ministri i punës, Medina dhuroi nga një bluzë dhe kartolina punuar nga fëmijët e prekur me Sindromin Down, transmeton Klan Kosova.
