Abetarja s`festohet në restorante

Drejtoria e Arsimit në Prishtinë, ka arritur t`i parandalojë disa ndeja të cilat ishin paralajmëruar të mbahen nëpër restorante të kryeqytetit, nga disa shkolla me rastin e ditës së abetares. Këtë e konfirmoi për Klan Kosovën, drejtoresha e Arsimit në Prishtinë, Arbërie Nagavci. Ajo tha se disa drejtor të shkollave fillore të Prishtinës iu kishin kërkuar nxënësve të klasës së parë të japin nga gjashtë euro, për person nëse dëshirojnë që të marrin pjesë në ahengun e ditës së abetares.

Nagavci potencoi se festa e abetares çdo herë është organizuar në shkolla, e jo nëpër restorante dhe se sipas saj, kjo është e ndaluar.

  klankosova.tv