Abelard Tahiri për abuzimin e të miturës: Të gjithë do të ndëshkohen

Ministri i Drejtësisë, Abelard Tahiri, ka reaguar pas abuzimit të të miturës në Drenas. Ai ka thënë se ky rast do të trajtohet deri në fund dhe të gjithë shkelësit e ligjit do të marrin dënimin e merituar. Shkrimi i plotë: Lajmi për abuzimin e të miturës në Drenas është shqetësues nga çdo këndvështrim dhe një alarm që nuk mund të kalojë pa përgjigjeje. Në vazhdën e angazhimit tim të përditshëm, sot kam pritur në takim Ministrin Mustafa, Kryeprokurorin Lumezi dhe Drejtorin e Policisë Qalaj, me të cilët kemi ndarë shqetësimin e përbashkët rreth këtij rasti si dhe shqetësimet tjera të qytetarëve tanë që ndërlidhen me sigurinë. Abuzimi me pozitën institucionale në çdo nivel është i pa pranueshëm dhe duhet të ndëshkohet, veçmas kur ky abuzim ndodhë nga ata që janë përgjegjës për mbrojtjen dhe sigurinë e qytetarëve. Ky rast do të trajtohet deri në fund dhe çdo shkelje që cenon besimin e qytetarëve në institucione do të marrë ndëshkimin sipas ligjit. Institucionet tona të rendit dhe ligjit, do të vazhdojnë edhe më fuqishëm punën e tyre në shërbim të qytetarëve dhe rritjes së sigurisë së tyre. Ky është imperativ i pa kompromis.

klankosova.tv