Abdixhiku falënderon bashkëshorten për përkrahjen e palëkundur: Je shtyllë që më mban fortë

Kandidati për kryeministër nga radhët e LDK-së, Lumir Abdixhiku ka bërë një falënderim publik ndaj gruas së tij, Albinës. Përmes një postimi në Facebook, Abdixhiku shprehet se shoqërimi i saj në tubime e takime, si dhe këshillat e saj të vazhdueshme në këtë periudhë, ishin vlerë për të, transmeton Klankosova.tv. Ndër të tjera, i pari i LDK-së thotë se prezenca e Albinës krahë tij, ishte shyllë e fortë për të. “Një faleënderim publik për Albinën, gruan time, dhe mbështetjen e palëkundur që ajo më dha në gjithë këtë fushatë. Shoqërimi i saj në pothuajse çdo tubim e takim, bashkë me këshillat e vazhdueshme në këtë periudhë plot dinamizëm, ishin vërtetë vlerë për mua!”, shkroi Abdixhiku “Përtej përvojës së re për ne të dy, prezenca e saj krah meje në këtë fushatë, ishte shtyllë që më mbante fort. Prandaj, të faleminderit!”.