AAK me tryezë për taksën

Grupi Parlamentar i Aleancës për Ardhmërinë e Kosovës, sot në orën 10:00, në hapësirat e Kuvendit të Kosovës, organizon tryezë lidhur me taksën 100 për qind për prodhimet që vijnë nga Serbia dhe Bosnja dhe Hercegovina.

 

Pjesëmarrës në këtë tryezë përveç deputetëve dhe përfaqësueseve të Aleancës, do të jenë të gjitha grupet e interesit si prodhuesit, importuesit, tregtarët me shumicë e pakicë, përfaqësues të OJQ-ve dhe ekspertë të fushës, transmeton Klan Kosova.

Ish-kryeministri i Kosovës, Ramush Haradinaj që ishte kryetar i këtij subjekti politik e kishte vendosur taksën prej 100 për qind ndaj produkteve me origjinë nga Serbia dhe Bosnja në nëntor të 2018-ës.