Lajmet e fundit
Aktorja Jennifer Aniston dhe Justin Theroux dyshohet se janë duke u martuar në një ceremoni sekrete në shtëpinë e tyre, transmeton Klan Kosova.
Sipas burimeve të TMZ-së, Jennifer i ka thënë shoqërisë se është duke organizuar një aheng surprizë për ditëlindjen e të dashurit, por duket të mos jetë ashtu.
Në shtëpinë e saj është parë duke u bartur një tortë e madhe më dy fytyra sipër. Po ashtu ka hyrë edhe një pastor me biblën në dorë.
Në oborrin e pasmë të tyre e kanë mbuluar edhe pishinën, për të bërë sa më shumë vend për ecje.
Gjatë javës kur është bërë dekorimi i shtëpisë, Jennifer i ka ndaluar punëtorët të hynin brenda shtëpisë me telefon dhe asnjë parkim nuk ka qenë i lejuar afër pronës.
