A po i kthehet Kurtit karma e opozitarizmit? (VIDEO)

Zhurma, filikaqat e përplasjet e deri tek kapja e kutive të votimit, u kthyen në sallën e Kuvendit të Kosovës. Kjo e shtyu kryetarin e Kuvendit, Glauk Konjufa, që ta ndërpresë atë. E gjithë këtyre veprimeve kryeministri i vendit, Albin Kurti, iu përgjigj me një buzëqeshje ironike. Por, pamje të ngjashme brenda institucionit legjislativ janë parë edhe në kohën kur vet Kurti ishte në opozitë. Madje i kishte nisur vet. Në tetor të 2015-ës, ai pati përdorur filikaqën, dikë e pati sulmuar me ujë, derisa edhe kishte nisur maratonën e përdorimit të gazit lotsjellës si mjet për parandalimin e punës së Kuvendit.

Pamje kur Albin Kurti e hedh gazin lotsjellës në Kuvend (8 tetor 2015)

Gjithashtu Kurti kishte gjuajtur edhe me vezë brenda sallës së Kuvendit. (Pamjet - 22 shtator 2015) E 5 vjet më pas, Albin Kurtit ia kishin kthyer sulmin me vezë dy persona, për të cilët ai në atë kohë kishte thënë që ia kanë bërë "njerëz të pushtetit". (Pamjet - 22 shkurt 2020) Sulmi kishte ndodhur derisa Kurti po hynte në ndërtesën e Kuvendit. Njëri prej sulmuesve ishte arrestuar nga policia. (Pamjet - 19 shkurt 2016) Kurti në atë kohë kishte folur pas sulmit, duke e shprehur se si ndihej për një formë të opozitarizmit të cilin vetë e kishte nisur. Ndiqeni në videon më poshtë: (Pamjet - 19 shkurt 2016) Lëvizja Vetëvendosje ka qenë lidere e opozitës në të gjitha protestat e pakënaqësitë në kohën sa vendi qeverisej nga koalicioni PDK - LDK.