Lajmet e fundit
Një punonjës shpëtimi ukrainas kalon pranë automjeteve të shkatërruara ushtarake ruse teksa kërkon gjëra shpërthyese pranë stacionit hekurudhor ku ishin vendosur forcat ruse, në qytetin Trostyanets të rimarrë nga ushtria ukrainase, në rajonin Sumy më 29 mars 2022, shkruan BBC, transmeton Klan Kosova.
Pas bisedimeve dje, Rusia tha se do të reduktonte operacionet e saj ushtarake rreth kryeqytetit dhe qytetit verior të Chernihiv. Ky shtet duket se i ka ulur ambiciet e saj, duke pretenduar se ka "përmbushur përgjithësisht" qëllimet e fazës së parë të pushtimit, të cilën ajo e përcaktoi si reduktim të konsiderueshëm të potencialit luftarak të Ukrainës.
Por lufta vazhdon në lindje dhe në jug, ku forcat ruse po përpiqen të krijojnë një korridor tokësor përgjatë bregut jugor, në lindje nga Krimesë deri në kufirin rus.
Një muaj pas pushtimit, shteti rus u deklarua se qëllimi i saj kryesor ishte "çlirimi i Donbasit" - duke iu referuar gjerësisht rajoneve lindore të Ukrainës, Luhansk dhe Donetsk.
Por përtej synimeve të tij ushtarake, kërkesa më e gjerë e presidentit Putin është të sigurojë neutralitetin e ardhshëm të Ukrainës.
Ukrainasit e kanë ofruar këtë në këmbim të garancive të sigurisë nga aleatët, si pjesë e një plani të gjerë paqeje të paraqitur në bisedimet në Turqi.
