A do të jetë kjo Zonja e Parë e Amerikës?

Ajo është gruaja e miliarderit që po i kryeson listat si kandidati favorit për president të Amerikës nga Partia e Republikanëve, shkruan Daily Mail, transmeton Klan Kosova.

Melania Trump, gruaja e Donald Trump që tashmë është më i përfoluri i mediave në amerikë, ka shumë gjasë që të jetë zonja e radhës që do të hyjë në Shtëpinë e Bardhë.

Melania është 45 vjeçare dhe ishte lindur e rritur në Sevnica në Slloveni, nga prindërit Viktor dhe Amalija Knavs. Disa dokumente të Arkivës Shtetërore të Sllovenisë, dëshmojnë se babai i saj ishte pjesëtar i Ligës Komuniste.

Derisa u paraqit në festën pas debatit të republikanëve në Kolorado, ajo s’ishte parë tek e shoqëron bashkëshortin e saj nëpër kampanjat elektorale.

Nëse Trump arrin t’i fitojë zgjedhjet, Melanie mund të jetë Zonja e Parë e Amerikës me prejardhje të huaj pas 200 vjetësh.