Drejtori i sportit në Artmotion, Arlind Sadiku ka deklaruar se atmosfera në Prishtinë është e jashtëzakonshme, pak orë para ndeshjes historike mes Kosovës dhe Turqisë.
Në emisionin “Kosova Today”, ai tha se shumë shtetas turk kanë mbërritur në kryeqytet, megjithatë theksoi se në stadiumin “Fadil Vokrri” urohet që prezenca e tyre të mos jetë e lartë, transmeton Klankosova.tv.
Ndër të tjera, Sadiku tregoi se sa ka shkuar një biletë për këtë ndeshje historike.
“Atmosfera është e jashtëzakonshme, ka shumë turq që kanë ardhur në Kosovë, kjo më ka befasuar shumë, të shpresojmë që prezenca e tyre të jetë minimale në stadium, por tash në tregun e zi po shiten me të madhe biletat. Çmimi për një biletë, e kam të konfirmuar, se për një biletë VIP ka arritur në 7000 euro”, u shpreh Sadiku në Klan Kosova.
Sadiku shtoi se nuk pret asgjë tjetër pos fitores së “Dardanëve”.
https://www.youtube.com/watch?v=ewtM3VsJXtQ
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.