55 kosovarë kthehen nga Zvicra, dërgohen në karantinë (VIDEO)

Autobusët ushtarakë arritën të premten në mëngjes në Aeroportin Ndërkombëtar “Adem Jashari”. Me këto mjete transportuese do të barten 55 qytetarë të Kosovës të cilët u kthyen në vendlindje nga shtete të ndryshme të Evropës dhe Botës, nëpërmjet Zvicrës, njofton Klan Kosova. Ardhja e këtyre kosovarëve që kishin mbetur jashtë kufijve të Kosovës për shkak të përhapjes së pandemisë COVID-19, u mundësua nga ministria e infrastrukturës dhe ambientit në bashkëpunim me akterë të tjerë si brenda dhe jashtë vendit. Ndërkaq për mbarëvajtjen e këtij operacioni u përkujdesën forcat e rendit dhe ekipet e ministrisë së mbrojtjes, të cilët u panë të veshur në uniforma medicionale, si masa preventive. Edhe në këtë port ajror u panë ekipet e Institutit Kombëtarë të Shëndetësisë Publike. Kronikë nga Arbresha Uka. https://www.youtube.com/watch?v=2rGsN65QLGw&feature=youtu.be