Me rastin e 50-vjetorit të karrierës muzikore, këngëtarja e njohur Shyhrete Behluli ka falënderuar të gjithë adhuruesit e saj, duke thënë se çdo duartrokitje, çdo fjalë inkurajuese dhe çdo moment i ndarë, siç u shpreh ajo, ka qenë burim frymëzimi për të.
Ajo u shpreh se adhuruesit e saj kanë arsyeja pse ky udhëtim është kaq i veçantë dhe plot jetë dhe u shpreh se pa ta, ajo histori nuk do të ishte shkruar kurrë me të njëjtin pasion dhe emocion, përcjell Klankosova.tv.
“Me zemër plot mirënjohje, dua t’ju falënderoj të gjithëve për mbështetjen, dashurinë dhe përkushtimin që më keni dhuruar gjatë këtyre 50 viteve të karrierës sime muzikore. Çdo duartrokitje, çdo fjalë inkurajuese dhe çdo moment i ndarë së bashku ka qenë burim frymëzimi për mua”.
“Ju jeni arsyeja pse ky udhëtim është kaq i veçantë dhe plot jetë. Pa ju, kjo histori nuk do të ishte shkruar kurrë me të njëjtin pasion dhe emocion. Ju falënderoj nga thellësia e zemrës dhe ju premtoj që muzika ime do të vazhdojë të jetë një urë që na lidh gjithmonë”, ka shkruar Shyhrete Behluli.
