48 vjeçari gjendet pa shenja jete në Mitrovicë

Një 48 vjeçar është gjetur pa shenja jete në orët e para të ditës në rrugën "Ali Zeneli" në Mitrovicën e Jugut. Rreth ngjarjes së rëndë për Klankosova.tv u deklarua zëdhënësi rajonal i Policisë Avni Zaiti. Zaiti tha se trupi i pajetë i viktimës është dërguar për obduksion, derisa rasti po hetohet si "Hetim mbi vdekjen". "Sot, rreth orës 05:30, Policia ne Mitrovicë ka pranuar informatën se në rrugen ,,Ali Zeneli" është gjetur pa shenja jete viktima i gjinisë mashkullore, rreth 48 vjeçar. Njësitet përkatëse policore kanë dalë menjëherë në vendin e ngjarjes, ku kanë ndërmarrë veprimet e nevojshme hetimore. Me urdhër të prokurorit kompetent, trupi i pajetë i viktimës është dërguar për obduksion në Institutin e Mjekësisë Ligjore. Rasti është iniciuar si “Hetim mbi vdekjen” dhe hetimet janë duke vazhduar", deklaroi Zaiti për Klankosova.tv.