29 mijë e 264 vëzhgues për zgjedhjet e së dielës

Komisioni Qendror i Zgjedhjeve ka mbajtur mbledhjen e radhës për përgatitjet rreth Zgjedhjeve të Parakohshme për Kuvendin e Republikës së Kosovës që do të mbahen më 11 qershor 2017.

Mbledhja u mbajt në Qendrën Mediale, e cila do të jetë një hapësirë për mediat e akredituara që do të përcjellin punën e KQZ-së, transmeton Klan Kosova.

Në këtë mbledhje, Komisioni Qendror i Zgjedhjeve akreditoi ‘Grupin e IX’ të vëzhguesve dhe të fundit, që do të vëzhgojnë këto zgjedhje.

Numri i përgjithshëm i vëzhguesve të akredituar është: 29 mijë e 264 vëzhgues, të ndarë si në vijim:

• 160 vëzhgues nga 8 Ambasada,


• 301 vëzhgues nga 7 Organizata Ndërkombëtare,


• 8 mijë e 830 vëzhgues nga OJQ – Vendore,


• 3 mijë e 657 vëzhgues nga Partitë Politikë pjesëmarrëse në këto zgjedhje,


• 15 mijë e 784 vëzhgues nga Koalicionet pjesëmarrëse në këto zgjedhje,


• 27 vëzhgues nga Institucione Ndërkombëtare (Trupa të Menaxhimit të Zgjedhjeve nga vende të ndryshme të botës),


• 1 vëzhgues nga 1 Institucion Vendor,


• 468 vëzhgues të akredituar që përfaqësojnë Media Vendore, dhe


• 36 vëzhgues të akredituar që përfaqësojnë Media Ndërkombëtare.