26-vjeçari arrestohet për prodhim e shitje të drogës, pritet ekstradimi në Itali

Një person është arrestuar në Tiranë me qëllim të ekstradimit në Itali. 26-vjeçari ishte në kërkim ndërkombëtar për "Prodhim dhe shitje të narkotikëve". "Gjatë operacionit, shërbimet e Policisë kanë kapur në rrugën "Rexhep Pinari" dhe kanë arrestuar me qëllim ekstradimin, shtetasin Xh. A., 26 vjeç". "Ky shtetas ishte shpallur në kërkim ndërkombëtar, pasi Gjykata e Hetimeve Paraprake, Milano, Itali, i ka caktuar masën e sigurisë "Arrest në burg", për veprën penale "Prodhimi dhe shitja e narkotikëve", parashikuar nga Kodi Penal i Italisë", thuhet në njoftim. /Klankosova.tv