24 të vdekur pas përplasjes së aeroplanit në Kongo

Të paktën 24 persona kanë vdekur pasi një aeroplan pasagjerësh u përplas në shtëpitë e qytetit Goma në Republikën Demokratike të Kongos, thonë zyrtarët vendas.

Banorët e kësaj ane, përfshirë katër anëtarë të një familje, ishin në mesin e viktimave.

https://twitter.com/AFP/status/1198557888916180992

Aeroplani u përplas në lagjen Mapendo pasi nuk ia doli të ngritej nga aeroporti i qytetit të dielën në mëngjes, njofoti guvernatori rajonal i Kivu, Nzanzu Kasivita.

Zyrtarët thonë se 17 pasagjerë dhe dy anëtarë të ekuipazhit ishin në aeroplan.

Aksidentet ajrore janë relativisht të shpeshta në Republikën Demokratike të Kongos, vend i cili ka standarde të dobëta të sigurisë dhe mirëmbajtjes.

Gjithashtu të gjithë transportuesit komercial të këtij vendi janë të ndaluar të operojnë në Bashkimin Evropian.