200 kandidatë i nënshtrohen provimit të Jurispodencës

Të shtunën në amfiteatrin e madh të Fakultetit Juridik që nga ora 10, juristët i janë nënshtruar provimit me shkrim të Jurispodences, njofton Klan Kosova. Rreth 200 kandidatë do t’i testojnë njohuritë e tyre në një provim që planifikohet të zgjasë pesë orë. Kandidatët janë vizituar edhe nga Ministri i Drejtësisë, Hajredin Kuçi. “Qëllimi ynë është që të përgatisim kuadro të reja për sistemin e drejtësisë, njerëz të cilët janë të aftë që pas kësaj të marrin pjesë në gjykatat e Kosovës, prokurorin dhe avokatinë e vendit", ka thënë Ministri Kuçi. Ndërsa kryetari i komisionit për dhënie të këtij provimi, Fejzullah Hasani, ka thënë se është i bindur që provimi do të kalojë pa ndonjë telashe.

klankosova.tv