Lajmet e fundit
20 vjetori i masakrës së Fushë Kosovës është shënuar sot pranë varrezave të martirëve në këtë qytet.
Familjarët e të rënëve thanë se ndjehen krenarë me të dashurit e tyre që dhanë jetën, njofton Klan Kosova.
Ata thanë më tej se këto ngjarje duhet të përcillen brez pas brezi që të mos harrohet e kaluara.
Përfaqësuesi i Qeverisë, Jahja Lluka, tha se qytetarët e Kosovës janë të lirë fal gjakut të dëshmorëve.
“Serbia është adresa për shumë krime që janë bërë më vonë. Ne jemi të lirë fal gjakut të dëshmorëve. Sot e gjithë Kosova është në lot dhe pikëllim”, ka thënë Lluka sot në këtë shënim.
Në këtë masakër janë vrarë 168 persona, 15 prej tyre janë akoma të zhdukur.
