20 mijë bileta u shitën për Sunny Hill

Një numër i madh i pjesëmarrësve do të jenë në festivalin ndërkombëtar Sunny Hill. Deri më tani janë shitur hiç më pak se 20 mijë bileta. Kështu deklaroi në emisionin Klan O Bus në Klan Kosova, Fat Gjakova, nga stafi i Sunny Hill. "Nuk e di ndoshta janë shitur diku 20 mijë ose më shumë"- tha Gjakova. Sunny Hill po mbahet në Parkun e Gërmisë dhe do të zgjas nga 4 e deri më 7 gusht. Në të pritet të përformojnë shumë artistë ndërkombëtar dhe vendor si: Dua Lipa, J Balvin, Kida, Yll Limani e shumë të tjerë. Sponsor medial i kësaj ngjarje madhështore është Klan Kosova. Ndërkaq sponsor të tjerë janë: Prince Cafe, Comodita dhe Artmotion, njofton Klankosova.tv.