2 vjet me Klan Kosova FM - radion e të gjithëve

Radio Klan Kosova FM, shënon ditën e themelimit çdo 28 Nëntor, që nga viti 2021.

Në ditëlindjen e dytë, stafi i radios ka përgatitur program të pasur festiv, me elemente të festës kombëtare, Ditës së Flamurit dhe përvjetorit të radios që në dy vitet e para ka mbledhur dëgjues të shumtë nga Kosova, mbarë trevat shqipfolëse dhe mërgata.

Festa kulmon sot me transmetimin e programit festiv në Klan Kosova, nga ora 13:00.

Programi mund të shikohet direkt edhe në kanalin 1 në Artmotion dhe në Youtube, kanalin zyrtar të Klan Kosovës.

Stafi i radios përshëndet dhe falënderon gjithë dëgjuesit anembanë botës për dëgjueshmërinë dhe kohën që ia falin Klan Kosova FM.
Vazhdojmë të ecim me sloganin: JEMI BASHKË!