2 të vdekur e 6 të lënduar nga aksidenti në slitën rrëshqitëse

Dy vëllëzër adoleshent mbetën të vdekur dhe 6 të tjerë u lënduan rëndë pas një aksidenti që ndodhi në mbrëmjen e kaluar.

Aksidenti ndodhi në një slite rrëshqitëse në Parkun Olimpik Kanada të Calgary’t, e ku të vdekur mbetën binjakët 17 vjecar Jordan dhe Evan Caldwell, transmeton Klan Kosova.

Ky aksident fatal ndodhi pasi një grup adoleshentësh hynë në objektin e përdorur si ‘’slitë personale’’ raportojnë policia lokale, transmeton Klan Kosova.

Tashmë në bazë të pamjeve të CCTV, autoritetet janë duke hetuar rastin për të zbuluar se si ndodhi kjo tragjedi, pasi që ky objekt ishte përdorur për të zhvilluar ngjarjet e Lojërave Olimpike Dimërore të vitit 1988.