2 kg drogë të fshehur në jastëk, kapet në kufi 35-vjeçari shqiptar (VIDEO)

Një person është arrestuar në pikën kufitare në Morinë nga Policia e Shtetit pasi tentoi të trafikonte drogë në Shqipëri. Te i dyshuari u gjetën mbi 2 kg kanabis, që u sekuestruan nga zyrtarët policorë. Nga Policia kanë bërë me dije se në pranga ka përfunduar P.G., 35-vjeçar nga Fieri. “Në hyrje të RSH-së, shërbimet e Policisë Kufitare kanë kaluar në vijën e dytë, për kontroll më të detajuar, automjetin tip "Audi", me drejtues shtetasin P. G. Gjatë kontrollit në automjet, shërbimet e Policisë gjetën të fshehura 2 pako me lëndë të dyshuar narkotike kanabis, me peshë totale 2 kilogramë e 227 gramë. ", transmeton Klankosova.tv.