149.3 milionë euro regjistrohen të hyrat tatimore për janar dhe shkurt, 19.6 përqind rritja

Të hyrat tatimore të Administratës Tatimore të Kosovës edhe në muajin e dytë të këtij viti kanë vazhduar të shënojnë rritje. Sipas këtij institucioni ato kanë arritur në 149.3 milionë euro për muajt janar dhe shkurt. Kur bëhet krahasim me periudhën e njëjtë të vitit të kaluar, rritja është 24.4 milionë euro apo 19.6 përqind, transmeton KlanKosova.tv. “Vazhdimi i performancës së mirë të mbledhjes së të hyrave tatimore është derivat i mekanizmave, të cilët kanë rritur llogaridhënien, transparencën, si dhe në të njëjtën kohë avancimi i vazhdueshëm i shërbimeve digjitale përmes platformës E-Deklarimit”, thuhet në komunikatën e ATK-së. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS.