100 me 80, Sigal Prishtina fiton me 20 pikë epërsi ndaj Proton Cable Prizrenit

20 pikë epërsi. Kaq ishte diferenca mes Sigal Prishtinës dhe Proton Cable Prizrenit. Skuadra nga kryeqyteti nuk i la asgjë rastit dhe i mposhti bindshëm në Pallatin e Rinisë dhe Sportit, prizrenasit me rezultat 100:80. Përpos në çerekun e dytë që Protoni e fitoi me rezultat minimal 22:23, në të tjerat ishte Sigali që dominoi totalisht (33:19, 22:16 dhe 23:22). Sigal Prishtina  u kthye te fitorja pas dy humbjeve. Damiree Burns kishte tjetër ndeshje të madhe te Prishtina, duke realizuar 23 pikë e 18 kërcime. Më efikasi ishte Josh Nzeakor me 25 pikë. Jalen Moore kontribuoi me 15 pikë, tetë asistime e pesë kërcime. John Walker e Lenzelle Smith i kishin nga 15 pikë te Prizreni. Prishtina është e treta me bilanc prej pesë fitore e tri humbje. Prizreni mbetet i parafundit me 10 pikë, përkatësisht me dy fitore e gjashtë humbje. Kjo ndeshje u transmetua live dhe ekskluzivisht në Sport 1 të Artmotion.