100 ditët e para të presidentit sipas Trump

Donald Trump, edhe pse është mbrapa Hillary Clinton në sondazhe, ka treguar se çfarë do të bësh për 100 ditët e para si president i SHBA-ve, në qofte se fiton zgjedhjet, shkruan BBC,  transmeton Klan Kosova.

17 ditë para ditës së zgjedhjeve, Trump po përballet me akuza nga më të ndryshmet.

Megjithatë gjatë një fjalimi të mbajtur në Pensilvani, ai theksoi ndryshimet që do t’i sjellë.

Ndër të tjera, ai foli për vendosjen e kufizimeve për lobistët si dhe rinegocimin e marrëveshjeve për tregtinë dhe ndryshimet klimatike.

Ndryshimet e propozuar nga Trump, për 100 ditëshin e parë të punës si president janë si vijojnë:

• Kufizime për zyrtarë të Shtëpisë së Bardhë të shndërrohen në lobistë pasi të largohen nga administrata


• Limite në mandatet e anëtarëve të Kongresit


• Anulimi i pagesave për Kombet e Bashkuara për programet në lidhje me ndryshimet klimatike, dhe rialokimi i atyre mjeteve në rregullimin e infrastrukturës së SHBA-ve


• Fillimi i procesit të “largimit të më shumë se dy milion kriminelëve, imigrant ilegal” – dhe refuzimi i udhëtimit pa viza për shtetet që nuk pranojnë mbrapa qytetarët e tyre.